Astelehen honetan, Bastian B. arma zein lehergailuz josita sartu zen Alemaniako Emsdetten herriko bere eskolara. Gazteak 32 pertsona zauritu zituen bere buruaz beste egin baino lehen, eta badirudi Counter Strike bideojokoa zuela oinarri bere jarrerak. Honek, Alemaniako zenbait legislatzaile gerra simulatzaileak debekatzeko proposamena auzkertera eraman ditu. Christa Stewens kontserbatzaileak estatu osoan eskatu du gerra simulatzaile izan daitezkeen jokoen debekua, baita jokalariak pinturazko bolak jaurtikitzen dituen jokoak ere, jende hiltzeko akzioa imitatzen dutelako.
Berdeen partidukoVolker Beck-ek zera esan du, egokiagoa litzakeela ordenagailuen erabilera egokian zentratzea, eta ez direla gazte honen jarreraren harira ondorio azkarregiak atera behar.
Azken hau guztiz beltzez jantzita agertu zen eskolan, Counter Strike jokoko protagonistaren pare, eta ikasleei tiroka hasi zen. 30 zaurituen artean 2 larri daude oraindik. Internetetik berehala erretiratu da web orri bat, non gazte honek zenbait pista ematen zituen bere jarreraren oinarria azaltzeko:
" Eskolan gauza bakarra ikasi dut, galtzaile batnaizela "(...), jendea gorroto dut".
Informazioa El Pais egunkari digitaletik neureganatua.
Argazkia Google bilatzaileari eske neureganatua.
Gartxot Unsain Letona
Egizu iruzkina:
0 comments:
Argitaratu iruzkina