Euskal Irrati Telebistak aurten, 25 urte beteko dituen urtean alegia, amaitu nahi du DIGIBat, egoitza guztiak digitalizatzeko proiektua. Bestalde taldea Bilboko egoitzara mugitu eta Miramongo egoitza produkzio zentro handi eta hornituena izateko lanak amaitu nahi dituzte. Halaber, EiTBk urte borobila izan duela aipatu behar da; izan ere Iberoamerikar Kalitate saria irabazi zuen 2006an.EiTB digitalizatzea, ingurune digital berrirako prestatzea eta talde multimedia osatzeko hedabide guztiak egoitza bakarrean elkartzea izango dira EiTBren xede nagusiak. Bilbo eta Miramongo proiektuak amaituta biribilduko da DIGIBat. Batetik, Bilboko egoitza berrira joango da EiTB eta bestetik, Miramon zabaldu eta birmoldatzeko lanak amaituko dira. Bitartean, Miramonen, 1.200 metro karratuko plato berri bat erabilgarri izango da udan.
Audientzia kopuruaren hazkundea nabarmena izan da eta EiTBk nagusitasuna lortu du Euskadin. Irratientzako bereziki urte ona izan da, Euskadi Irratiak eta Radio Euskadik 400.000 entzule izan dituzte egunero. Horretaz gain, Iberoamerikar sariarekin batera EiTBko saio eta profesionalek 15 garaikur jaso dituzte.
Informazioa EiTBren web gunetik eskuratua.
Egizu iruzkina:
0 comments:
Argitaratu iruzkina